لماذ فشل الاخوان فى حكم مصر 

 ياريت تسأل نفسك ليه ؟

الموضوع بسيط لان عمرهم ما نظمو معرض للكتاب بأسعار مخفضة لتثقيف الشباب زى ما بينظمو معارض البقالة و اللحمة بأسعار مخفضة
ولو عملوا معرض للكتب بيكون للكتب الدينية وللكتب ال بتروج لفكرهم
عمرهم ما بيبذلو مجهود أو بيصرفوا فلوس بالملايين مثلا على محو الأمية زى ما بيصرفوا على الانتخابات

# عمرك شفت الرئيس  الاخوانى السابق ولا رئيس وزرائه ولا وزير التربية والعليم ولا وزير الثقافة طلعو علينا بخطه للقضاء على الاميه

يعنى دايما حريصين على ان يفضل الجهل متفشى علشان يقدر يسيطر على البسطاء والعامه من محدودى الفكر

# حتى ايام الدستور فى 2012  عمرك شفت حد منهم مسك الدستور وقعد وسط الغلابه ال ما بيعرفوش يقراءو وقراء لهم الدستور وشرح لهم مواده المختلفة او حتى شفتهم عملو حلقات توعيه داخل المساجد او داخل الجمعيات الاهلية ال بتشحن الغلابه للتصويت فى اى انتخابات  لتوعيه الناس او حتى توعية لافراد الجماعه  بيعنى ايه دستور 

#  منهج التربيه داخل جماعة الاخوان الذى يربى النشاء وافراد الجماعه على السمع والطاعة يعنى اى حد بيفكر ويشغل دماغة بيتم اقصائه
كيف بجماعة تربى افرادها على السمع والطاعه بان تخرج لنا كوادر عندها القدرة على  الابتكار والابداع و حرية اتخاذ القرار دون الرجوع الى قيادات الجماعه
باختصار عايزين اتباع ينفذ ويسمع الكلام

# من يريد أن يغير النظام القديم كان عليه ان يبدأ بتغيير بنية النظام التشريعية والقانونية وكذلك آليات العمل فى كل المجالات بدءا من اجهزة الامن والاعلام والقضاء وليس بتبديل مسئول من جماعة مبارك بمسئول من جماعة الإخوان
الثورة وحدها هى القادرة على هدم بنية النظام القديم وبناء النظام الجديد